တၢ်န့ၢ်ခွဲးန့ၢ်ယာ်လီၤဆီ
မ့မ့ၢ်ဒၣ်ထဲ တၢ်သူၣ်ထီၣ်တၢ်အဒိတခါသနာ်က့‚ ပှၤအံၣ်စရၠာစး့လး တၢ်အိၣ်ဖှိၣ်အဒဲလၢ ဘၣ်တၢ်သူၣ်လီၤအီၤ လၢကီၢ်အံၣ်စရၠာစး့လးကလံၤထံးအံၤ မ့ၢ်တၢ်လီၤဘီလီၤမုၢ် လၢအထုးန့ၢ်ပှၤသးန့ၣ်လီၤႉ တၢ်သူၣ်ထီၣ်အီၤ ဒ်တၢ်နီၢ်ကီၢ် ဒီးတၢ်ထိၣ်ဒွးအီၤ လီၤတံၢ်လီၤဆဲးတသ့ဖဲအသ့ ဒ်တၢ်ပာ်ဖျါ လၢလံာ် ၂ မိၤရၠာစးရ ၂၅-၂၇‚ (ဘၣ်ဆၣ်‚ တဘၣ် တၢ်ကယၢအီၤနီၢ်နီၢ်ဒီး ထူဒီးသ့ၣ်ဖရ့ှှံးတၤ) အိၣ်ဆၢထၢၣ်ထီ လၢနကံၢ်မဲးမုၢ်ခိၣ်အပူၤန့ၣ်လီၤႉ
ဖဲပက့ှူၢ်ဟးကွၢ်ကီတၢ်‚ ဘၣ်တၢ်လဲၤယူၤပှၤဆူ တၢ်လီၢ်စီဆံှ ဒီးဆူတၢ်လီၢ်စီဆှံကတၢၢ် ဒ်သိးပကထံၣ် ဘၣ် တလါစီဆှံအဂီၢ်န့ၣ်‚ ပှၤတနီၤလၢပကျါ အိၣ်ပတုာ် တစိၢ်ဖိ လၢတၢ်သးတအိၣ်လဲၤ ဖဲတၢ်လီၢ်အံၤန့ၣ်လီၤႉ တၢ်လီၢ်အံၤ‚ မ့ၢ်တၢ်လီၢ်စီဆှံကတၢၢ် လၢထဲဒၣ် ပှၤလုၢ် တၢ်အခိၣ်တဂၤဧိၤ န့ၢ်ခွဲးန့ၢ်ယာ်လီၤဆီ လၢအကလဲၤနုာ် တမ့ၢ်ဘၣ်ဧါ‚ ပ၀ဲဒ်ပှၤပတီၢ်မုၢ်တဖၣ် ပလဲၤနုာ်ကသ့ဒ်လဲၣ်‚ ယဆိကမိၣ်ထီၣ်ယဲသ့ လၢပှၤအံၣ်စရၠာစး့လးဖိတဖၣ် မ့ၢ်အကအိၣ်ဒီး တၢ်ပျံၤတၢ်ဖုးဆံးအါ ဖဲအ၀ဲသ့ၣ် လဲၤဘူး ဒီးတၢ်အိၣ်ဖှိၣ်အဒဲ ဒ်သိးအကလဲၤလုၢ်ထီၣ်တၢ်အဂီၢ် တဘျီဘၣ်တဘီျ လၢအသးပူၤ အိၣ်ဒီးတၢ်သ့ၣ်ညါ လၢအဟဲတုၤဆူ ကစၢ်ယွၤ အမဲာ်ညါအဂ့ၢ်န့ၣ်လီၤႉ ဒီးအ၀ဲသ့ၣ်…
မၤဒ်သိးပၢ်
ဖိသၣ်ဖိတဂၤ ဖဲအမၤဒိးတၢ် ဒ်သိးမိၢ်ပၢ်တဖၣ်မၤ၀ဲန့ၣ်ဒီး‚ တဖျါလီၤအဲၣ်လီၤကွံဘၣ် န့ၣ်ဧါႉ အါစုအါဘျီ‚ ပထံၣ်ဘၣ် ဖိသၣ်ဖိ ပိာ်အပၢ်အခံလၢ သိလ့ၣ်ပူၤ‚ မၤ၀ဲဒ်အပၢ် နီၣ်သိလ့ၣ်အသိး ဒီးကွၢ်၀ဲထံးထံးဆးဆး တၢ်လၢအပၢ်ကမၤကဒီးတၢ်ဆူညါမနုၤ ဒ်လဲၣ်န့ၣ်လီၤႉ
ယတၢ်သ့ၣ်နီၣ် ဆှၢက့ၤယၤလၢ ဖဲယမ့ၢ်ဒံး ဖိသၣ်ဆံးအခါ ယမၤစ့ၢ်ကီးယဲဒ်န့ၣ်အသိးန့ၣ်လီၤႉ တၢ်ဂုၤဂၤမနုၤ တမံၤမး တမၤမုာ်ယသးထဲသိး ယမၤဒိးဘၣ်ယပၢ်‚ ဒီးယသ့ၣ်ညါလီၤတံၢ် လၢအ၀ဲသးခုဒိၣ်န့ၣ်ဒံးယၤ ဖဲလၢ အထံၣ်ဘၣ် ယမၤဒိးအီၤန့ၣ်လီၤႉ
ယဆိကမိၣ်လၢ ကစၢ်ယွၤကသးခုစ့ၢ်ကီး ဖဲအ၀ဲ ထံၣ်ဘၣ် ဖိခွါလၢအအဲၣ်ဘၣ်၀ဲဒိၣ်ကတၢၢ်တဂၤ မၤလီၤတံၢ် လီၤဆဲး ဒ်အ၀ဲမၤအသိး‚ လဲၤဆူပှၤလၢအတၢ်မုၢ်လၢ်လီၤမၢ် တဖၣ်အအိၣ်‚ မၤစၢၤပှၤလၢအလိၣ်ဘၣ် တၢ်မၤစၢၤတဖၣ် ဒီးမၤဘျါက့ၤပှၤဆူးပှၤဆါတဖၣ်န့ၣ်လီၤႉ ကစၢ်ယ့ၣ်။းစံး‚ ‘‘ဖိခွါမၤဒၣ်တၢ်တသ့ဘၣ်နီတမံၤဘၣ်‚ မၤ၀ဲသ့ထဲတၢ်လၢ အထံၣ်လၢပၢ်မၤန့ၣ်လီၤႉ အဂ့ၢ်ဒ်အံၤ‚ ဖဲဒၣ်ပၢ်မၤတၢ်တမံၤ လၢ်လၢ်န့ၣ်‚ ဖိခွါမၤစ့ၢ်ကီး၀ဲလီၤ’’ (ယိၤ ၅း၁၉) /
ပ၀ဲဒၣ်စ့ၢ်ကီး ပဘၣ်တၢ်ကိးပှၤ လၢပကမၤတၢ် တမံၤဃီ‚ ‘‘မၤသးဒ်န့ၣ်ဒီး‚ ကဲထီၣ်ပှၤကွၢ်လိယွၤ ဒ်ဖိသးဘိအသိးန့ၣ်တက့ၢ်‚…